Հիմա արդեն պարզ է, որ 16,520 ընտրողից ընտրություններին մասնակցել են 4028-ը, որը կազմում է ընտրողների 24,4 տոկոսը։

1801 ընտրող ունեցող ամենամեծ 31/11 տեղամասում այսօր ընտրություններին գնացել էին 445 ընտրող։ Հանձնաժողովի անդամներն, ովքեր նաև նախորդ ընտրություններին հանձնաժողովում եղել, ասում են, որ այս տեղամասում ընտրողների թիվը սովորաբար 1000-ից ավելի է լինում։

Ընտրությունների արդյունքները դեռևս պարզ չեն, սակայն մի քանի տեղամասից ստացած տեղեկությունների համաձայն, կտրուկ առավելությամբ հաղթում է Ալավերդու փոխքաղաքապետ, ՀՀԿ Թումանյանի տարածաշրջանի խորհրդի փոխնախագահ Արտավազդ Վարոսյանը։

Նշեմ, որ քաղաքապետի աթոռի համար պայքարում էր նաև Կոմունիստական կուսակցության անդամ, Ալավերդու ներքաղաքային երթևեկությունը կանոնակարգող ընկերության տնօրեն Կամո Բաբայանը։

Կամո Բաբայանը ոչ միայն նախընտրական քարոզարշավ չի ծավալել, այլ նաև նախընտրական շտաբ չուներ և ոչ մի վստահված անձ ընտրատեղամասային հանձնաժողովներում։

Բա, առանց քարոզ էլ են ընտրություններ լինում….

ԸՆՏՐՈՒԹՅՈՒՆՆԵՐԻ ԱՐԴՅՈՒՆՔՆԵՐԻ ՈՒ ՄԻ ՔԱՆԻ ԴԻՏԱՐԿՈՒՄՆԵՐԻ ՄԱՍԻՆ ՇՈՒՏՈՎ….

Առաջադրված թեկնածուներից մեկը Ալավերդու արդեն նախկին փոխքաղաքապետ Արտավազդ Վարոսյանն է։ Նա Հանրապետական կուսակցության անդամ է։ Նախկին քաղաքապետ Արթուր Նալբանդյանի հետ 6 տարի առաջ մտավ քաղաքական դաշտ։

Քաղաքապետի մյուս թեկնածուն կրկին իշխանական ճամբարից է։ Կամո Բաբայանը ՜՜Քարափ-տրանս՜՜ ՍՊԸ տնօրենն է։

Ընկերությունն Ալավերդու ներքաղաքային տրանսպորտն է համակարգում։

Բա, տեսնենք ինչպիսի պայքար է գնալու։Ճ։Ճ

Այս հարցի պատասխանը ես այսօր իմացա ԿԸՀ կայքէջից http://elections.am/SelfGovernmentBodie.aspx։

Սեպտեմբերի 11-ին Ալավերդու քաղաքապետի ընտրություններն են։ Ամսաթիվը տեսա ու մտածեցի, ախր, ինչու հենց Նյու Յորքի երկնաքերների ոչնչացման օրը, համաշխարհային ահաբեկչության հաղթանակման օրը։ Սնահավատությունս, մի խոսքով, գլուխ բարձրացրեց։

Չնայած, հույս ունեմ, որ մեր երկիրը մի քիչ փոխվել է ու այդ օրն Ալավերդիում «ընտրական ահաբեկչություններ» չեն լինի։

Սնահավատությունս էլ, հույսերս էլ մի կողմ դնեմ։ Մի քիչ ուզում եմ գրել այս քաղաքի, իմ քաղաքի` Ալավերդու, վերջին տարիների ղեկավարման մասին։

Դե, բոլորս էլ գիտենք, արդյունաբերական քաղաք է, օդը պղտոր է, գազերը` շատ։ Առավոտյան սուրճի 1 բաժակը խմում ենք մի բերան մետաղաշատ օդի հետ։

Բայց, վերջին տարիներին շատերը դա էլ չէին հիշում, գործարանն սկսել էր անվճար համերգներ բերել Երևանից, «Մանես» բարեգործական հիմնադրամն ակտիվ գործում էր և այլն, և այլն։

Օրինակ, համերգներից մեկի ժամանակ հաղորդավար Ֆելլիքս Խաչատրյանին բերեցին, եկավ հաղորդեց, մի կլորիկ գումար էլ գրպանում դրեց, ալավերդցիներին էլ «աբորիգեն» անվանեց ու գնաց։ Աղտոտված օդն ալավերդցիները շնչեն, պոչամբարների հարևանությամբ երեխաներ մեծացնեն մարդկային չստացված կերպարանքով մեկը` Ֆելլիքս Խաչատրյանը, գա փողը վերցնի տանի։

Գործարանի սեփականատեր Վալերի Մեջլումյանի բարի վերաբերմունքը քաղաքի նկատմամբ ալավերդցիները կապում են արդեն նախկին քաղաքապետ Արթուր Նալբանդյանի հետ։ Շատերն են ասում, թե Նալբանդյանը կարողացավ լեզու գտնել նրա հետ։

Երբ Արթուր Նալբանդյանը գնաց Լոռու մարզպետ, կոնկրետ անուններ չտամ, բայց շատ ալավերդցիներ ասում էին, թե ով է լինելու մեր քաղաքապետը, որ նախորդի նման քաղաքը մաքուր պահի, բաց աշխատի, խոշոր արդյունաբերողի հետ էլ լեզու գտնի։

Դե, հիմա անցածն էլ հետ չես բերի, պետք է ընտրենք նոր քաղաքապետ։

Մի քանի մարդու անուններ են շրջանառվում, գրեմ ամենահավանականների մասին։

Արտավազդ Վարոսյան,  Ալավերդու փոխքաղաքապետ – Հայաստանի Հանրապետական կուսակցության անդամ, այստեղից էլ հետևություն, որ նաև իշխանությունների ուզած մարդն է։

Արման Տիտանյան , Ավագանու անդամ - Քաղաքապետի վերջին 2008 թվականի ընտրություններին էլ նրա անունը շրջանառվեց, սակայն Արման Տիտանյանն իր թեկնածությունը չառաջադրեց։

Հակոբ Ճուղուրյան, Սանահինի լոկոմոտիվային դեպոյի նախկին տնօրեն, Ավագանու անդամ – Տոհմիկ երկաթուղայինների ընտանիքից է, Սանահինի դեպոյի կառուցվածքային փոփոխությունից հետո ինքնակամ դիմում գրեց ու հեռացավ իր պաշտոնից։

Սուրեն Երիցյան, գործարար - 6 տարի առաջ, Ալավերդու նախորդ քաղաքապետ Սարիբեկ Օհանյանի ղեկավարության տարիներին աշխատել է քաղաքապետարանում։

Քանի դեռ պաշտոնապես ոչ մի թեկնածու չի առաջադրվել, դեռևս շուտ է նրանց մասին ավելի մանրամասն խոսել։ Առաջադրման դեպքում նրանց անպայման կփորձեմ զրուցել, տեսնենք ինչպես են պատկերացնում Ալավերդու ու ալավեևդցիների ապագան։

Կարծում եմ, քաղաքապետի պաշտոնում պետք է լինի նա, ով սիրում է Ալավերդին, ի վիճակի է քաղաքի շահը գերադասել անձնական շահից։ Պետք է լինի նա, ում արդար պայմաններում կընտրեն ալավերդիցները։

Վերջ… Ալավերդցիներիս ղեկավարի ընտրությունների մասին էլի կգրեմ։

Բարով մնաք…

Վերջին 4 անտառապահները դատարանի դահլիճից մոտ 3 միլիոն պարտքով են դուրս եկել։ Մի քանի օր հետո էլ արտագնա աշխատանքի են մեկնել, քանի որ գյուղի միակ թափուր աշխատատեղը անտառապահի գործն է, իսկ անասնապահությամբ ու գյուղատնտեսությամբ հնարավոր չէ միլիոնների հասնող տուգանքները մուծել:

Եղեգնուտում գազ չկա: Գազատարը գյուղ է հասել, սակայն գյուղացիները հնարավորություն չունեն իրենց միջոցներով գազը տուն հասցնել: Չի ջեռուցվում ոչ գյուղի դպևրոցը, ոչ էլ գյուղապետարանը: Եղեգնուտի գյուղապետ Միշա Հովհաննիսյանն ասում է սակայն, որ գյուղացիները փայտ չնե կտրում: Կտրելու բան չի մնացել:

Գյուղացիները վստահեցնում են, որ ձմռան փայտը գնելու են։ Մի քանի ամսվա թոշակը կհավաքեն ու փայտ կգնեն։ Իսկ փայտը իրենց անտառներից չեն, ասում են, թե գիշերով մեքենաներ են գալիս կանգնում ու փայտ վաճառում։

Հայաստանում 1 անտառապահին 1000 հա տարածք է ընկնում: Տարածքն ամբողջությամբ հսկելու համար «Հայանտառ» ՊՈԱԿ տնօրեն Մարտուն Մաթևոսյանն ասում է, որ անտառապահները չեն ապահովվում համապատասխան տեխնիկայով: Հարևան Վահագնի գյուղում նույնպես անտառապահ չկա, աշխատավարձը ցածր է ` 40-50000 դրամ, պատասխանատվությունը` մեծ:

Մարտուն ՄԱթևոսյանի խոսքով, Վահագնի, Եղեգնուտ ու Փամբակ գյուղերի շրջակա անտառներում ապօրինի անտառահատումները համեմատաբար ավելի շատ են:

Ապօրինի անտառահատումների նվազեցման, Հայանտառի ֆինանսական ու տեխնիկական վերազինման համար կառուցվածքային փոփոխություն ու պետական հոգածություն է անհրաժեշտ: հայանտառի տնօերն Մարտուն Մաթևոսյանն ասում է, որ կարգավիճակային փոփոխության ուղղությամբ Գյուղատնտեսության նաարարություն հետ բանակցություններն ադրեն սկսվել են: Կարգավիճակի փոփոխությունը կբերի անտառի հսկողության, պահպանության ուժեղցամանը ու նաև անտառի վերականգնմանը:

Մարիաննա Պեպանյան, «Ազատություն» ռադիոկայան

Այն, ինչի մասին գրում եմ, պարզապես գրում եմ իմանալու, թե բոլորն էլ հայոց հիմնը, «Մեր հայրենիք»-ը լսելիս մտածում են երկրիս ապագայի մասին:

Ալավերդիում ԱԺ պատգամավոր Էդուարդ Շարմազանովի ու նրա եղբայր, ոստիկանության համակարգում աշխատող Էրիկ Շարմազանովի հոր՝ Հովսեփ Շարմազանովի, անվան ֆուտբոլի հուշամրցաշարի փակման արարողությանը հնչեց հայրենիքիս հիմնը:

Հովսեփ Շարմազանովն, ասում են, որ սովետական տարիներին Ալավերդու պղնձաձուլական գործարանին կից գործող «Մետալուրգ» ֆուտբոլային թիմի լավագույն խաղացողներից է եղել:

Մինչ այսօր երբեք, հիմնը լսելիս սիրտս չի թրթռացել, ազգիս օգնելու, միգուցե այս պահին նաև փրկելու ցանկություն չեմ ունեցել:

Անկեղծանամ ու ասեմ, որ այդ  պահին, երբ ինձանից ձախ կանգնած էին պատգամավորներ, ՏԻՄ ներկայացուցիչներ, իսկ աջ կողմում էին պետական կառույցների աշխատողներ, ովքեր, որքան կռահեցի եկել էին ոչ այնքան ֆուտբոլ դիտելու, որքան հանդիպելու այդ բարձրաստիճաններին, միգուցե մի «գործ» էլ առաջ գցելու ակնկալիքով:

Շեղվեցի այ, հա, հենց այն պահին, երբ հնչեց հայոց հիմնը, հիշեցի Ազատության հրապարակում հացադուլ հայտարարած Րաֆֆի Հովհաննիսյանին, ինչու չէ Ազատության հրապարակ մտած, սակայն Րաֆֆի Հովհաննիսյանին արհամարհած Լևոն Տեր-Պետրոսյանին, կանաչ Թեղուտի ու Կապանի համար պայքարող ակտիվիստներին…. Մի խոսքով, հիշեցի բոլոր նրանց, ովքեր պայքարում են Հայաստան Հանրապետության հզորացման, ժողովրդավարության տարածման, մեր ազգի լավ կյանքի համար:

Ու զարմանում եմ, գիտեք, որ մարդիկ միայն իրենց կուշտ փորի, դղյակների, մի քանի շիշ ավելի ոգելիցի ու այ տենց ճոխությունների մասին են մտածում: Երբ մեր կողքին կան 9 հարկանի  թեքված շենքում ապրող 16 ընտանիք, երեխաներ, որ կոշիկ չունեն հագնելու ու դպրոց գնալու կամ մայրը մահանում է, բայց ինքը դեղի փող չունի, աշխատել էլ շատ է ուզում:

Ու այ էս ուրիշների հաշվին հարստացածներին թվում է, որ ընտրություններից, լավագույն դեպքում 1 տարի, առաջ պետք է գան, նվերներ անեն, ասեն մենք ձեզ սիրում ենք դուք եք, որ կաք, դուք վերջն եք:

Մենք էլ միամիտ լոռեցի ենք չէ, կհավատանք….

«Գրանդ Քենդի» ֆիրմայի շոկոլադե երկհարկանի տուփերը ամռան վերջին  հանրապետականացված ալավերդցի երիտասարդները բաժին էին հասցնում անցորդ կանանց, աղջիկներին ու տատիկներին:

Հանրապետական երիտասարդները շրջել են Ալավերդու տարբեր թաղամասերում, Ակներ ու Սանահին գյուղական թաղամասերում նույնիսկ մարդկանց դռներն են ծեծել ու շոկոլադ նվիրել:

Շնորհավորական բացիկներով էր սահմանափակվել «Օրինաց երկիր» կուսակցությունը: Ծպտուն անգամ չկար մյուս կուսակցություններից, ինչն ինձ շատ զարմացրեց, օրինակ, «Բարգավաճ Հայաստան»-ին չէր սազում էս լռությունը:

Այս տարի կանանց միամսյակն սկսեցի զարմանալով: Նախ, ԱԺ պատգամավոր Կարեն Սարիբեկյանի մատուցած հաճելի անակնկալն էր, հետո էլ երկրիս ղեկավարող կուսակցության շոկոլադները:

Երնեկ մեկն ինձ ասեր, թե ինչո՞ւ էր կուսակցությունը որոշել շոկոլադ բաժանել, ինչու հենց այս տարի ու արդյունքում տեսնես ինքն իրենից գո՞հ է մնացել:

Ով կպատկերացներ, որ այս տարի մարտի 8-ից մի քանի օր առաջ ԱԺ պատգամավոր Կարեն Սարիբեկյանը յուրաքանչյուր աշխատավոր կնոջ ու աղջկա որոշել է երկու միանման շամպուն ու մեկ դեզոդորանտ նվիրել:

Հիմա կասեք, թե կպատկերացնեինք, ինչու չէ, բայց ես զարմացա, քանի որ ԱԺ պատգամավորը ծաղիկներ երևի ավելի շատ է սիրում ու ամեն տարի կանանց միամսյակը դեռ չսկսած 1 հատիկ վարդ էր նվիրում:

Ստվերային տնտեսության պայմաններում դժվարանում եմ հաշվել, թե Ալավերդիում քանի աշխատավոր կին ու աղջիկ կա կամ վերահսկել, թե արդյոք բոլոր հիմնարկների աշխատողներին էլ հասել է այս մաքրող ու հոտավետ միջոցներից:

Մի բան գիտեմ, որ Ալավերդու 4 ուսումնական հաստատություններից մեկին Կարեն Սարիբեկյանը չգիտես ինչու անտեսել է: Կասկածում եմ, որ հաստատության կուսակցական ուղղվածությունն է պատճառը:

Հաճելի զարմանքիս մասին երկար չգրելու համար անցնեմ եզրահանգումներիս:
Թե ինչու պատգամավորը որոշեց այս տարի խախտել ավանդույթն ու 500 դրամի փոխարեն ծախսել մոտ 2500-3000 դրամ, մի քանի վարկած ունեմ:

Նախ, նախընտրական թոհուբոհն արդեն սկսվել է, դե, պատգամավորն էլ է պատրաստվում:

Երկրորդ, ասում են պատգամավորը ապրանք է ներկրում Հայաստան ու չիրացված ապրանքն է նվիրել (այս դեպքում ստացվում է, որ մեկ կրակոցով երկու նապաստակ է խփում):

Երրորդ, ժողովրդի հետ հանդիպման ժամանակ մաքրող ու հոտավետ միջոցների պակաս է զգացել ու անհանգստացել:Ճ

Հ.Գ. Համենայն դեպս, ես որպես լրագրող պատգամավորին հաշված 3 անգամ եմ դեմառդեմ տեսել, թեև տեսնելու ցանկություն հաճախ եմ ունեցել:

Ոստիկաններին հաջողվել է 10 րոպեից ազատել պողոտան Իսաջանյանների ընտանիքի անդամներից:

Թե ինչ էր կատարվում Գյումրի-Վանաձոր ճանապարհին ու թե ՀՀ ոստիկաններն ուուուուրրրրր են հասել դիտեք ներքևի տեսանյութում:

Շնորհակալություն:Ճ